[wanabidii] Taarifa ya JWTZ kuhusu habari iliyochapishwa katika gazeti The Citizen

Saturday, November 23, 2013
Jeshi la Ulinzi la Wananchi wa Tanzania (JWTZ), linapenda kukanusha taarifa zilizoandikwa kwenye Gazeti la 'The Citizen' la tarehe 20 Novemba 2013 toleo Nambari 2980 lililochapishwa kwenye ukurasa wa 15 kwa kichwa cha habari 'From genocide suspects to a DRC
rebel faction – 2'

Katika taarifa hiyo, mwandishi ametoa tuhuma za uongo dhidi ya Maafisa wa JWTZ alizozinukuu kutoka ripoti ya wataalam wa Umoja wa Mataifa( UN Group of Experts Report). Kwa mujibu wa tuhuma hizo, imeelezwa eti kuwa  baadhi ya makanda wa JWTZ wanakisaidia kikundi cha FDLR. Tuhuma hizo ziliwahi kukanushwa kuwa hazikuwa za ukweli.

JWTZlinarudia kukanusha tuhuma hiyo na kusisitiza kwamba hakuna Afisa wake  yeyote aliyepo kwenye Utumishi ambaye 
amejihusisha au kuwa na ushirikiano na kikundi cha FDLR.  Pia, hakuna ushahidi wowote wa kuonesha kuwa Maafisa wa JWTZ waliostaafu ama wamewahi kushirikiana au wanaendelea kushirikiana na kikundi  hiki.

Aidha,  hakuna Makamanda wa JWTZ waliopo kwenye Jeshi la Umoja wa Mataifa nchini Jamhuri ya Kidemokrasia ya Kongo (MONUSCO-FIB) ambao wamejihusisha kufanya mazungumzo au kushirikiana na kupanga mpango wowote na kikundi cha FDLR.

Tuhuma hizo zilizotolewa na mwandishi huyo ni za uongo na zinalenga kuchafua sifa na rekodi nzuri ya JWTZ na Tanzania kwa ujumla.

Kama inavyofahamika Tanzania imepeleka kikosi chake nchini Jamhuri ya Kidemokrasia ya Kongo kama sehemu ya FIB chini ya MONUSCO. Jukumu la FIB ni kusaidia kurejesha Amani eneo la Mashariki, nchini DRC na hivyo kukabiliana na vikundi mbalimbali vyenye silaha vinavyotishia amani na usalama katika eneo hilo.  FDLR ni sehemu ya vikundi hivyo.

Hivyo inashangaza sana kuona kuwa pamoja na jukumu hilo muhimu linalofanywa na kikosi cha Tanzania bado tuhuma hizo zinatolewa na mwandishi huyo.

JWTZ litaendelea kutekeleza wajibu wake ipasavyo nchini Jamhuri ya Kidemokrasia ya Kongo kwa nidhamu ya hali ya juu, weledi na uadilifu kama ilivyo kawaida yake na kwa mujibu wa Azimio lililotolewa na Umoja wa Mataifa na pia kwa mujibu wa maamuzi, malengo na matarajio ya Kanda ya Maziwa Makuu, SADC na AU.

Imetolewa  na  Kurugenzi  ya  Habari  na  Uhusiano
Makao Makuu ya Jeshi, Upanga
S.L.P  9203,   Dar es Salaam, Tanzania.

--
Send Emails to wanabidii@googlegroups.com
 
Kujiondoa Tuma Email kwenda
wanabidii+unsubscribe@googlegroups.com Utapata Email ya kudhibitisha ukishatuma
 
Disclaimer:
Everyone posting to this Forum bears the sole responsibility for any legal consequences of his or her postings, and hence statements and facts must be presented responsibly. Your continued membership signifies that you agree to this disclaimer and pledge to abide by our Rules and Guidelines.
---
You received this message because you are subscribed to the Google Groups "Wanabidii" group.
To unsubscribe from this group and stop receiving emails from it, send an email to wanabidii+unsubscribe@googlegroups.com.
For more options, visit https://groups.google.com/groups/opt_out.

Share this :

Related Posts

0 Comments