UFAFANUZI KUHUSU TAARIFA ZA UWEPO WA DAWA ZILIZOISHA MUDA WA MATUMIZI KATIKA SOKO
Hivi karibuni kumekuwepo na taarifa zilizoripotiwa na gazeti la Tanzania Daima la kila siku kuhusu uwepo wa dawa zilizoisha muda wa matumizi kwenye duka la dawa la Core Pharmacy jijini Dar es Salaam. Taarifa hizi zimekuwa zikitolewa na mmiliki wa duka la dawa la Shine Care Pharmacy kwenye gazeti hilo. Baadhi ya dawa zilizotajwa ni Listerine antiseptic mouthwash, Pimple Gel, Misoprostol tablets 200mcg, Rabeloc IV 20mg, Mefenamic acidic tablets, Herpex – 800 DT, Inhaler 100 pg dose, Metformin Denk 850, Comprimes de carvediola 12.5mg na Cloderm cream.
Aidha, taarifa zimedai pia kuwa TFDA pamoja na kufahamishwa suala hili haikuweza kuchukua hatua zozote kwa mlalamikiwa.
TFDA inapenda kukanusha upotoshaji huo unaofanywa na chombo hicho cha habari kutokana na ukweli uliopo. TFDA ilifuatilia suala hilo na kubaini uuzwaji wa dawa moja tu ya Listerine antiseptic mouthwash (chupa 2) ambayo iliuzwa katika kipindi ambacho muda wake wa matumizi ulikuwa umebaki mwezi mmoja. Taarifa zinazoendelea kutolewa na gazeti la Tanzania Daima zinatokana na mgogoro uliopo baina ya makampuni mawili ya kuuza dawa ya Core Pharmacy na Shine Care Pharmacy.
TFDA inauhakikishia umma kwamba iko makini na ina mifumo madhubuti ya kufuatilia ubora, usalama na ufanisi wa dawa, chakula, vipodozi na vifaa tiba kwenye soko. TFDA inaviasa vyombo vya habari pia kufanya uchunguzi wa kina na kufika ofisini kwake ili kupata taarifa sahihi badala ya kutoa taarifa inazozipokea kutoka kwa wafanyabiashara.
Imetolewa na:-
MKURUGENZI MKUU
MAMLAKA YA CHAKULA NA DAWA
EPI MABIBO EXTERNAL,
S.L.P 77150, DAR ES SALAAM
Simu: + 255 222 450512/450751/452108
Nukushi: + 255 222 450793
Barua pepe: info@tfda.or.tz
--
Send Emails to wanabidii@googlegroups.com
Kujiondoa Tuma Email kwenda
wanabidii+unsubscribe@googlegroups.com Utapata Email ya kudhibitisha ukishatuma
Disclaimer:
Everyone posting to this Forum bears the sole responsibility for any legal consequences of his or her postings, and hence statements and facts must be presented responsibly. Your continued membership signifies that you agree to this disclaimer and pledge to abide by our Rules and Guidelines.
---
You received this message because you are subscribed to the Google Groups "Wanabidii" group.
To unsubscribe from this group and stop receiving emails from it, send an email to wanabidii+unsubscribe@googlegroups.com.
For more options, visit https://groups.google.com/d/optout.
0 Comments